Sunday, December 31, 2006

الموجودون عدماً



بين الوجود و اللاوجود أعيش, وجودهم كغيابهم..
حيث اللاشعور..اللانتماء..اللاشىء.
من هم؟ إنهم من يسلبونى حريتى رغم انهم مسلوبى الإرادة,
فعندما يقولون شييييه لا أقول ماااء..
أجرى,ألعب وأكل ما يحلو لى بينما ينظرون لى فى أسى ويتناولوا طعامهم الأخضر الذى لا يعرفون سواه.
أغمض عينى..أحاول فتح نافذتى السرية,فأشم رائحة مسك الليل..أطمئننى "لا تقلقى إنه مجرد مسك فلتفتحى أكثر." فيأتينى صوت منيب يملؤه الشجن و الحنو (جوة البيت هنزرع نخلة تطرح خير وتعمل ضلة,والعصافير تلّقط غلة...) كم أفتقد تلك النخلة..
أحاول ألا يجرفنى ذلك الحنين وأفكر فيما يعوضنى عنة. فتأتينى رائحة الصندل, باردة كمشاعرى, تُقشعر بدنى ولكنى أحبها.. تأخذنى تلك الرائحة لصوت منير ويعلو صوتى معة (أنا أد الهوا وأدود لو حتى الهوا نسّاى)
أبتسم إبتسامة هادئة وأحضننى وأردد لنفسى (أنا أد الهوا وأدود لو حتى الهوا نسّاى)
أكتفى بهذا القدر اليوم وأقرر غلق نافذتى, فيأتينى ذلك الصوت الأنثوى مجهول المصدر ليقول لى "لا تلبسى هذا الوجه البلاستيكى الذى يرتدونة خوفا من أن تلدغهم الحقيقة..كونى موجودة لأنك بالفعل موجودة"
أشكرها وأفتح عينى ثم أتوجه لفتح النافذة
..

5 comments:

Believer said...

افتكرت شعور قديم وبارد جدا على نفسى
افتكرت ايام لما كنت بقعد فى الدقى انا واخويا لوحدينا عشان اذاكر قبل الامتحانات
افتكرت لما كنت بزهق وبنزل اشترى علبة سحاير من اقرب كشك تحت
واقرر انى امشى واتمشى شويه وانتى عارفه انى طول عمرى مابحبش امشى لوحدى ... مابحبش اكون لوحدى
ويجيلى شعور ممض وانا ماشى سريع الخطوه
انى كائن اتوجد وماتوجدلوش اليف ومش هايتوجد
وافضل امشى واوصل لكبرى الجلاء والدنيا هوا
وشايف الناس رايحه والناس ماشيه ومتحركه
اللى بيضحك واللى ماشى يحب واللى بيتكلم فى تليفونه
شايف كل واحد ليه حد ، ليه شىء ماسك فيه بيدوروا فى فلك بعض
حتى الصيادين اللى واقفين يصطدوا
صناره فى فلك صياد ، وسمكه فى فلك صناره ، ودوده فى فلك سمكه
يااااااااه
دايما بنحس اننا لوحدنا
وان الناس مش حاسه بينا وهى وسطنا
كل واحد مشغول فى ماكونه
ولما بيعدوا علينا بيبصولنا بنظره مشفقه
يقولوا كلمتين ويبصوا بصتين
ويرثوا حالنا ويكملوا طريقهم
بس صدقينى يابنتى
مش كلهم
فى ناس بتحبنا
فى ناس لما بنفتح الشباك وبنحضن نفسنا
بيكونوا هم فى حضننا
ويكفينا ان ربنا احن علينا من امنا

white seagull said...

yes ya sherif, i agree wz u.
but we cant deny that we r the one who choosed 2 live this way!!
we cant deny we find some joy despite the pain..

Yasmine Adel Fouad said...

"لا تلبسى هذا الوجه البلاستيكى الذى يرتدونة خوفا من أن تلدغهم الحقيقة..كونى موجودة لأنك بالفعل موجودة"
أشكرها وأفتح عينى ثم أتوجه لفتح النافذة


وهو المطلوب اثباته
بالظبط اثبتى على كده
لانك صح و ماتخليش حد يضحك عليكى و يزقك لوراء
اكيد انك تطلعى قدام صعب بس ما هو ده المفروض

_____________

من ناحية الاسلوب الادبى بقى
فانا حاسه انك احسن
احساسك واصلنى

Yasmine Adel Fouad said...

العنوان رائع

white seagull said...

ياسمينتى
واضح ان كان عندك حق لما قولتيلى انى مش برد و واضح كمان انى مش برد عليكى انتى بالذات!!
معلش يابنتى هما الناس كدة!! دايما يجوا على الى بيحبوهم بحجة انهم هيفهموهم
معلش عندى المرة دى و الله مش ببقى قاصدة
يمكن كلامك دايما بيوقفنى كدة مش بعرف أقول عليه حاجة,ببقى موافقة جدا معاكى ودايما تعجزينى و تخلينى أقعد أفكر فأسرح و أقفل الكمبيوتر و أمشى من غير ما أرد عليكى
ربنا يخليكى ليا يا ياسو و مبسوطة ان إحساسى بيوصلك ياريت كمان إحساسى بعدم الرد عليكى يكون وصلك.