Thursday, December 21, 2006

نظرية العالم الموازى






قال لى فيلسوفى ذات مرة" إحنا طول حياتنا بندّور على الحب, والحقيقة بنكون بندّور على الشخص الموازي اللي هو انا مثلا لو كنت واحده ست.." بمعنى أننا فى بحث دائم عن من الذى كنا سنكونة لو كنا نوعا غير نوعنا, فمثلا لو أنا ذكر سأبحث عن شبيهى الذى أعتقد انى كنت سأكونة لو كنت أنثى والعكس صحيح..


كل واحد جواه الاتنين المذكر والمؤنث وبيفضل طول حياته يدور على نصه الغايب منه"


هو كان عالم واحد وانقسم... دي فكرة من عند قدماء المصريين علشان كده بنقع بقى ونقوم مليون مره لحد ما نلاقي النص الصح او ما نلاقيهوش خالص لحد ما نموت"
كم أتمنى أن أراك الأن أيها الفيلسوف حتى أخبرك أنى وجدت شبيهى فى العالم الموازى لكننى لم أعرف كيف أتعامل معة!
كم أتمنى لو تعود وتخبرنى ماذا بعد وجودنا لنصفنا اللأخر, كيف نحافظ علية.. أشعر وكأن هذة النظرية لم تصبح صحيحة عند التطبيق, لابد من الأختلاف, لا يمكن أن يعيش معا شخصين متوازيين, لابد من وجود سالب وموجب ليس موجب فقط أو سالب فقط..
أشتاق لنصفى الأخر الذى فقدت الإيمان بوجودة,فقط أعرف الأن أنى لا أريدة شبيهى, أريدة هو كما هو وليس تصورى عن نفسى لو كنت ذكرا, ولا أريدة أن يطالبنى بتصورة الأنثوى عن نفسة أيضا..
أخبرنى ماذا أفعل أحتاج إليك.
هل تشعر بى؟ أتمنى لو تصلنى أى إشارة تخبرنى بها ماذا وجدت بالعالم الأخر, هل أتى إليك أم هنا أفضل؟
هل كل ما فقدت الإيمان بة وجدتة صحيحا أم إعتقادنا الفطرى هو الصحيح؟؟
ما رأيك فى أن نخترع سويا جهاز إرسال يشعرنا ببعض؟ كيف أصنع هذا الجهاز؟ لابد من إيجاد وسيلة جديدة للكلام, لغة أخرى غير التى نعرفها, كيف لى أن أعرفها؟ هل تساعدنى وتخبرنى إذا كان لديك حل؟
إنى أفتقدك..




إلى فيلسوفى الراحل صالح سعد

11 comments:

Yasmine Adel Fouad said...

نورا
ايه ده
النظرية دى انا كن عارفاها بس من غير ما احسبها كده
يعنى انا فعلا فاهمة النظرية
بس مكنتش فاكرة انها نظرية
كنت فاكرة ان دى رغبة بتختلف من بنى ادم لبنى ادم
وحكاية الانثى و الذكر اللى جوه كل واحد

بس الخطير
سؤالك
ماذا بعد ان نجد النصف الاخر
لاننا فعلا بنتخيل دى النهاية
و كل حاجه هتبقى افضل شوية بعد كده

يالهوى
صحيح انا عارفه ان الضغل على نفسك و على العلاقه بعد ما تلاقى النص التانى اكبر
بس ماكنتش متخيلة سهولة السقوط
من حافة العلاقة بدون مقدمات


نورا البوست بتاعك خلانى هقوم افكر مع نفسى
من جديد


تحيتى للفيلسوف

إنسان || Human said...

أنا فعلا أعتقد في الكلام ده إعتقاد كبير جدا .......ولكن أكيد مش هايكونو فولة وأتقسمت نصين ....أكيد في إختلافات .........وبعدين الموضوع هايكون ممل قوي لو هيكون بالشكل ده

white seagull said...

"بس ماكنتش متخيلة سهولة السقوط
من حافة العلاقة بدون مقدمات"

صدقينى ولا أنا كنت متخيلة بس ده الى بيحصل

لو وصلتى لحاجة بعد التفكير ابقى قوليلى

white seagull said...

هيومان,
هو أكيد لازم هيكون فى أختلافات بس بتهيألى حتى لو هما فولة و أتقسمت نصين المشكلة مش هتبقى انهم هيبقوا مملين المشكلة أنك هتحس إنك عريان طول الوقت وتفضل تعيد أكتشاف نفسك كل ما تقربوا من بعض.
المهم ان ماحدش من الطرفين يهرب وصدقنى الموضوع ممكن يبقى ناجح جدا لو ده حصل
فكرة الشفافية..

shimaa said...

ماذا بعد ان نجد النصف الاخر

7agat kteeeeeeeeeeeer 2wiiiiiiiiii w mghod 7'oz3bli 3shan t2dri t7fzi 3leeh 7ta m3 el23tkad eno 7ta mn nfsk w taht mnk w b3den l2teha l2n brdo a7na bn3ml mghod kbeer 2wii 3shan n7afz 3la nfsna w lazem b2a yekon enty 3ndk eltaka elnfsya lda

t7yaty lfelasoufk w 2lbi m3aki fe 27sas el2ftkad eli mosetr 3leki

white seagull said...

shaimaa,
i agree with u completly, akeed maghood fazee3, bas el mohem el tarfen yb2o by3melo maghood 3shan y7afzo 3la ba3d msh bas taraf wa7ed..
tab3an mwaf2aky 3la enena aslan msh bne3raf ne7afez 3la nafsena sa3at..
thanks alot 4 sharing me my feelings.

shortcut said...

النظرية مش عارفة لو صح او لالا
كله الي عارفه دلوقتي اني حاسة بفراغ و ان محتاجة الجزء التاني انا عايشة بس بوجوده حاستمع بوجودي

DoDo said...

يا نورس يا أبيض يا رقيق :)
عجبتني المدونةرغم حداثتها، وحابّة أعلّق لو مفيهاش رزالة
من غير كلكعة وباختصار، كجزء من فلسفة كارل جوستاف يانج أحد أهم الدكاترة النفسيين في القرن ال 20، في مفهوم الرياضة الجوانية
Inner Work
بمعنى التواصل ما بين الداخل والخارج، الوعي واللاوعي، من خلال رسائل بتوصلّك معاني ومضامين غايبة عنك، المعاني دي بتبقى في أغلبها إيجابية أو نقدية لأسلوب حياتك وتصرفّاتك وازاي تنتبهي لمناطق الخلل جواكي، الرسائل دي بتنبعث أساسا من صورة الرجل داخلك أو
animus
واللي بيكمن فيه قوتك الداخلية و قدرتك على التحدي
نفس الحكاية بالنسبة للرجل، في صورة الأنثى جواه أو
anima
وبالتالي كل ما زاد تواصلك مع صورة الرجل جواكي، كل ما حققتي التوازن وكبّرتي مساحات الوعي عندك
بجد بجد بوست جميييييل ومدعاة للتفكير

white seagull said...

dodo.
mabsoota 2 c u reading what i write
inshaa allah tela2y nosek el tany
bas balash testaneh sad2eeny howa haygy mn 3'er ma t7esy en howa dah nosek el mafkood.. we fag2a hat7esy enek ektamlty..
3la fekra ya gama3a ana kaman ma3rfsh el kalam dah fe3lan nazria wala la2 bas dah kan mogarad kalam ostazy allah yr7amo kan 2aylholy fe 7ewarat 3adia bena we bein ba3d..
we 7ata law howa nazria fa ay nazria takbal el 7'ata2 we el tatwor..

white seagull said...

سورى يا دودو أنا لخبطت بين إسمك وإسم شورت كت, الرسالة اللى فاتت دى كانت لشورت كت وإنتى ليكى رسالة تانية
أسفة شورت كت إنى لغبت بينك وبين دودو

white seagull said...

أما إنتى بقى يا دودو فبجد مرسى جدا على كلامك,فعلا أسعدنى ومبسوطة إن البوست بتاعى خلاكى تفكرى فى أى حاجة..
أما عمك يونج ده بقى أنا بحبة جدا, أنا مقريتلوش كتير بصراحة بس من خلال الحاجات اللى أعرفها عنة هو داخل دماغى جدا
وموضوع الأنيما والأنيموس بالذات أنا كنت ناوية أعمل بوست مخصوص عنها لأن الموضوع ده شاغلنى قوى خاصة اليومين دول.بجد بجد مرورك ع البلوج بتاعى أسعدنى, ياريت تزورينى دايما.