Saturday, December 30, 2006

سؤال قاتل




علي رجلي دم .. نظرت له ما احتملت
علي إيدي دم.. سألت ليه ؟ لم وصلت
علي كتفي دم.. و حتي علي رأسي دم
أنا كلي دم .. قتلت ؟ ..... والا اتقتلت
عجبي !!

8 comments:

DoDo said...

ننّور
أبوس راس البالونة، فكّيها حبتين
الله يحرق الامتحانات اللي مدبّلة ورد شبابنا
بس متهيّالي يا ننّور إن بعد يومين كدة هتهفّ عليك رباعية تانية

في يوم صحيت شاعر براحة و صفا
الهم زال و الحزن راح واختفى
خدني العجب و سألت روحي سؤال
أنا مت؟ و لا وصلت للفلسفة
ودة بمناسبة الخلاص الروحي من
فعصةالمتحانات
بعد الشرّ عليكي من دم القتيل والقاتل

white seagull said...

دودو يا جميلة
ماتقلقيش أنا كويسة بس أنا بطلع ع البلوج اللى مش بقولة لحد
أنا انهردة بس أكتشفت إنى لازم ألاقى حل للى أنا فية ده..
أعتقد إن الرباعية دى يمكن بداية البحث
انا متأكدة إنى هبقى كويسة (راح تنتهى ولابد راح تنتهى مش انتهت أحزان قبلها؟)
صحيح أنا عايزة أعرف ايميلك أو اى وسيلة اتصال لو ينفع حاولت ابعتلك ميل من على البلوج بتاعك ماعرفتش

DoDo said...
This comment has been removed by a blog administrator.
Believer said...
This comment has been removed by the author.
Believer said...

لولا فعصت الامتحانات اللى انا فيها دى ... كنت وريت البلاين دى كلها شغلها ... ايه يعنى بالونه مش عايزه ننحد مع بالونه ... هو بمزاجهم ولا ايه يعنى ... طيب ده عشان نورتنا انا مستعد اعمل بالوووونه كبيييره نحط فيها الكره الارضيه كلها وبكده يبقى احنا كلنا فى بالونه واحده ... ولو انى .. احم احم .. يعنى انتى عارفه العقده بقى .. بس مايهمنيش من بالونه ولا حتى منطاد ... بكره تشوفى :-))

بكره احلى من غير دم ولا بلالين مصمطه ملهاش روح ... كلنا هانبقى هليوم على راى دودو انشاء الله وبلالينا اللى محوطنا كلها تتحد وتمتزج الوانها فى الوان جميله وفرحانه ...

بكره احلى .. احنا فى ايدينا نخليه احلى :) احنا فى ايدينا نكسر كل الحزن والالم

وبعدين يعنى من غير البلالين نحتفل ازاى بقى باعياد ميلادنا وافراحنا :) ... كل سنه وانتى طيبه يا اجمل نواره فى الدنيا ... السنه الجايه احلى والامتحانات هاتخلص وشويه شويه هانتخرج ونشتغل و ننتج ونكتب ونبدع وهانقعد كده يوم مع اولادنا يا نورا نضحك على الايام دى ونحس بحنين للماضى واحنا وسطهم كده ... بكره هافكرك هانبقى فرحانين ازاى وبنضحك على الايام دى ازاى :-))

يلا كلوا بقى يجيب زمامير وبلالين عشان عيد ميلاد اخلى نواره فى الدنيا بكره :-)))

Yasmine Adel Fouad said...

نورا

كل سنه و انتى مبسوطة اتر ان شاء الله
و عيد ميلا سعيد جدا يارب

الرباعيه قاتله نفسها أصلا
بس انا متفقه تماما مع دودو و شريف


الايام بتعدى عارفه كان فى جمله لاحلام كانت بتقول

" أينتهى الحب عندما نبدأ بالضحك من الأشياء التى بكينا بسببها يوما ؟ "


و برنارد شو كان بيقول

" تعرف انك عاشق حين تبدا بالتصرف ضد مصلحتك "


فى ايدك تعرفى انتى وصلتى فين

لعلمك كل حاجه ليها جزء مضيئ و جزء مظلم
يعنى مش اى حد عارف يبقى بالونه طايره فى الهوا
مش كل واحد عارف يكون بالالوان
مش كل واحد عارف يسعد اللى حواليه
فى الجانب التانى تلاقى ان البالونه مخنوقه و خايفه تفرقع


يعنى
مهما كنتى لازم هيكون فيه وجهين
استمتعى بالوجه المشرق
علشان الدنيا تبقى احلى
و زى ما قلتلك افتكرى اللحظات الحلوة فى حياتك لما تتخنقى و ازاى انك لحظتها كنتى بتقولى مفيش حاجه تزعلنى علشان تحسى ان المشكله صغيرة و افتكرى مشاكل كانت كبيرة و قلتى عنها كلام مماثل و اديها راحت


عيد ميلاد جميل بقى
بس انتى اجمل منه طبعا

موووووووووووا

Yasmine Adel Fouad said...

صحيح نورا الصور وهمية

white seagull said...

ياسمين واضح فعلا ان ليكى حق تزعلى (وشى فى الأرض يافندم) مش عارفة ليه مارديتش يمكن لما ببقى فى الحالة اللى بكتبها ببقى عايزة أسمع الأخرين بس مش عايزة أقول حاجة
أوعى تزعلى يا ياسمينتى والله ده مش عدم أهتمام بس بجد زى ما قولتلك فى البوست اللى فات انك دايما بتهزينى و تسيبينى فى حالة تأمل وأقوم أسرح مع نفسى على أمل إنى أبقى أرجع أرد بس واضح إن الكسل كان بيغلبنى و إن ردى مش هيفرق بس أنا و الله عارفة شعور لما تكلمى حد و مايردش عليكى
أنا فعلا هحاول أغير الموضوع فيا لأنه عاملى مشاكل مع الناس بالذات اللى بحبهم
يارب تكونى فاهمانى وماتزعليش,المشكلة يمكن انى بقول لنفسى دى ياسمين يعنى مننا و علينا مش هتفهمنى غلط لو مارديتش
بس هى حاجة مستفذة فعلا
أعتذر بشدة و أدعيلى بالتغيير و دايما كدة نوريلى الحاجات اللى بتبقى مطفية عندى لحسن نظرى ضعف خالص أو يمكن أدق بصيرتى قلت خالص و انتى صاحبتى فلازم تنورينى