Sunday, March 4, 2007

دواير..دواير


كنت فاكرة كل حاجة بتحصل فى الأفلام بتحصل من الحقيقة(يعنى أكيد الكاتب ده شاف الكلام ده فجسدة) ده كان إعتقادى مافكرتش إن الكتابة ما هى إلا تعبير عن نواقصنا و نقط ضعفنا (ده بالنسبة لى يعنى)
كنت فاكرة الأحضان اللى فى الأفلام دى حقيقية, مش دى القضية دلوقتى أكيد فى أحضان حقيقية و صادقة فى الحقيقة بس اللى مضايقنى بقى إن فى الأفلام بتلاقى الحضن جاى فى وقتة تمام الأشخاص حسوا فى نفس اللحظة إنهم عايزين يحضنوا بعض و راحوا خدوا الفعل ده إنما فى الحقيقة بقى أه طبعا فى أحضان بس عمرها ما بتبقى محسوبة قوى كدة زى الأفلام,عمرها ما بتيجى فى وقتها,ليه دايما بنتردد؟ يا إما نتسرع و نحضن حد مايكونش جاهز للحظة الحضن دى يا إما نتأخر عليه و مانحضنوش فى اللحظة اللى هو محتاج فيها الأحتضان ده؟!!
يا ترى إيه السبب؟ ساعات بنبقى عارفين إن اللى قدامنا فى اللحظة دى محتاج قوى لحضننا بس نستهبل و نعمل نفسنا مش واخدين بالنا,ممكن يكون ناتج لأن أنت كمان مالقيتش اللى يحضنك فى اللحظة اللى أنت محتاجها قوى دى فتجاهلت الموقف زى ما غيرك بيتجاهلة معاك.. وهكذا..ما الدنيا إلا إسقاطات دائرية..
وطبعا بعد كل ده بينعدم الشعور الإنسانى و نصبح كتل حجرية متحركة لا تتأثر أو تؤثر حواليها...
بعترف إنى دخلت الدايرة دى..بخرج منها أحيانا لكن دايما أرجعلها..نفسى أعمل دايرة لوحدى مش ناقصة أدخل دواير غيرى ومش عايزة أدخّل حد دايرتى
..

12 comments:

rony said...

نورا اية الدايرة اللى عايزة تعمليها ليكى لوحدك ازاى يعنى مانتى كدة بتقفلى الدايرةخالص وتبقى فعلا كملتى مسيرة الكتل الحجرية اللى عايزين نكسرها ونبدلها بكتل شعورية رومانسية مع كل من لهم صلة بنا مش مختصرة على الحبيب بس لكن بتكون بين الام وابنائها والعكس وبين الاصحاب ماحدش يفهم غلط من الجنس نفسة يعنى مش مشاع المهم انك تكونى قادرة على التعبير عن احتياجك للشخص اللى بيحبك فعلا ووقتها هتلاقى المشاعر بتتفاعل فى نفس الوقت ا واما سبب ان دة مابيحصلش فدة بيرجع اكيد لعدم الشعور بصدق اللحظة ولاتقديرها

rony said...

ممكن تكلمينى على اميلى laialymando@yahoo.com

white seagull said...

رونى أنا كان قصدى بالدايرة بتاعتى إنى أحمى نفسى من إسقاطات الأخرين و فى نفس الوقت أحميهم من الإسقاطات اللى أكيد أنا ممكن برضة أعملها فى وقت و أنا مش واخدة بالى
مش قصدى بالدايرة إنى أتقوقع على نفسى أنا عايزة أقفل دايرتى عليا عشان أحافظ على إنسانيتى و أمنع أى تسرب ممكن يحصل من دايرة أخرى..كل دى مجرد تخيلات أصلا فعليا أنا مش عارفة ده ينفع و لا لأ
يمكن يكون عدم شعور بصدق اللحظة! الله أعلم

مبسوطة إنك متابعة البلوج عندى و على فكرة أنا ضيفتك عندى خلاص

rony said...

أسفة طبعا أنى فهمتك غلط وجميل قوى أن كل واحد يحاول مايكررش أخطاء غيرة ويتعلم منها والاجمل أننا نقدر نحقق دة بجد وعلى فكرة مش صعب خالص بأتمنى تحققية وأنا أحققة وكل حد شايف أنة يقدر يحمى نفسة من أسقاطات غيرة يعمل دة بسرعة فممكن الكون يتغير للافضل لو كل واحد بدأ من عندة ورسم وتخيل وحاول يحققة أشوفك على الاميل

cigara... said...

مش قصدى بالدايرة إنى أتقوقع على نفسى أنا عايزة أقفل دايرتى عليا عشان أحافظ على إنسانيتى و أمنع أى تسرب ممكن يحصل من دايرة أخرى

جميلة
جدا

حبيت
شخصيتك

الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقريه وقولي ليا رايك ؟
رايك يهمني

تحياتي
الدبور

ياسمين said...

فعلا كتير بنحتاج لحضن اللى قدامنا ونيجى نرمى نفسنا فيه نلاقيه يبعد

بوست حلو قوى ونورتى اللقاء بجد

تحية من القلب

white seagull said...

سيجارة,
شكرا لتعليقك
خلينا نشوفك تانى

white seagull said...

الدبور,
أنا دخلت عندك بس مافهمتش قوى هو موضوعك عمل ضجة ليه هبقى أدخل تانى أقرا التعليقات و أقرا ردك لأن أنا قريت الموضوع بس
شكرا لمرورك

white seagull said...

ياسمين,
بجد مبسوطة إنك دخلتى عندى شكرا على مرورك
أنا بجد أتكسفت جدا يوم اللقاء ده لأن أنا ماكنتش أعرغ عنة و كنت جايه لغرض تانى خالص فأعذرينى إنى مأعدتش معاكوا, إن شاء الله المرة الجاية أقعد معاكى و أتعرف على بقية البلوجرز اللى أنا ماعرفش منهم حد :)
أراكى على خير

Anonymous said...

لو هانتكلم علي الحضن
فاعتقد ان احنا لو احنا محتاجينه فعلاً
المفروض نقول
لأن إنت لما تقول لواحد كده هايفهم
انما ساعات بيخاف من رد فعلك انت
علشان كده لازم نقله

will said...

情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品,情趣用品

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打,麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online