Tuesday, March 13, 2007

منهم فيهم


"عارفين ليه الحمّام هو أكتر مكان ممكن نعيط فيه؟"
طبعا أول حاجة هتيجى فى دماغكوا عشان بنبقى لوحدينا و ماحدش ممكن يدخل علينا.. بس حصلى مفاجأة لما سمعت إجابة تانية فى فيلم"منهم فيهم" للمخرجة ماجى مرجان, شخصية من الشخصيلت هى اللى سألت السؤال ده بعدين جاوبت علية..عشان الحمّام فيه مرايا و هى المرايا الوحيدة اللى هتشوف فيها نفسك ده نظرا لأن الحمّام هو المكان الآمن اللى هتعيط فية..أصل إحنا بنحب نشوف جرحنا!! فيصعب علينا نفسنا و نروح معيطين أكتر..
عُمر حد شاف نفسة و هو بيعيط؟ و يا ترى كان إيه شعورة لما شاف نفسة فى اللحظة دى؟ و إيه أكتر جرح ممكن يخليك تعيط؟ و إمتى مش بتقدر تشوف نفسك فى المرايا؟ و إيه الجرح اللى عمرك ما وريتة لحد؟؟


أسئلة كتير قوى جت فى دماغى و أنا بتفرج على الفيلم..بجد الفيلم ساب فيا أثر إنسانى عميق و نفسى أشوفة تانى,ياريت لو حد سمع إنه هيتعرض تانى فى أى مكان يشوفة و يقولى.. و ياريت كمان لو حد يعرف أنزل أغانى سعاد ماسى منين يقولى..

أحييكى ماجى مرجان و بجد فيلمك تحفة و مش مصدقة إن دى أول تجربة ليكى!! أختيارك للممثلين و الأغانى فى الفيلم و الحوار و تقسيمك للشخصيات, بجد الفيلم أثر فيا بشكل إيجابى جدا
(اللوحة للفنان ليام دالى)

16 comments:

إبـراهيم ... معـايــا said...

مش معقوووولة .... إنتي كنتي هناااك ؟؟؟


أنا لسه شايف الفيلم ده امبارح ، وحقيقي كان تحححححفففففــــة

على فكـرة أنا سجلت منه شوية ، بالصوت

حقيقي من أجلم الأفلام الروائية القصيرة اللي شفتها ، لو تقدري تجيبي لنا أي معلومات أو صور تانية عنه ياااريت يا نورا ......

صحيح دي أول دخلة ليا على مدونتـك

بس واااضح إنها مش هتبقى الأخيرة

آه ، كمان كويس إني أول تعليق

إبـراهيم ... معـايــا said...

أمــــا بخصوص سعاد ماسي يا فندم ، وهيا كانت عاملة شغل حلووو قوووي ف الفيلم فعلاً ( أصلاً ماجي دي شكلها هتبقى محترفة ) ف أي سيرش ف العزيز جوجـل هيطلع لك موقعها ف سلمية دوت كوم ، و ده رابط لوماضيع عنها :
http://www.psnewsonline.com/showthread.php?t=1412
وموجودة هنا ف المجموعة الثانية :
http://moroccan.salmiya.net/songs/

و أي خدمة

رابط أغنيـة ( اللي بهواه) اللي اتغنت ف الفيلم : http://moroccan.salmiya.net/songs/souad_massi/rm/souad_massi17.rm

توتة توتة said...

انتي خلتيني عايزة اشوف الفيلم
عايزة اشوفه بجد

micheal said...

شوقتي الواحد للفيلم ده لانه واضح أنه فيلم ذو فكر يريد طرحه
علي العموم نورتي لقاء المدونيين و أتمني تتاح لي الفرصه المرة القادمه للتعرف عليكي
تحياتي لكي

حواء said...

نورا
أعتقد أى حد ممتلئ بالأحزان والألام حتى الحافة مابيدورش على مكان أمن يبكى فية لأن دموعة تعبر بسرعة جدا عن حجم وعمق الجرح ووقتها بيشوف نفسة من غير مرأة بصورة واضحة جدا
شوقتينى أشوف الفيلم قوى
وكان نفسى أعلق أول واحدة بس حظى سئ
وحشتينى

white seagull said...

إبراهيم,
بجد مش عارفة أقولك إيه متشكرة جدا على ردك و على إنك بعتيلى حاجات لسعاد ماسى,بجد شكرا ليك و ياريت ماتكونش أخر مرة تدخل عندى..

white seagull said...

توتة هو ده عنصر التشويق :) لأ بجد الفيلم يستاهل و أكيد هيتعرض تانى فى يوم من الأيام.ماتقلقيش

white seagull said...

شكرا يا مايكل مع إنى مأعدتش فى اللقاء أصلا بس إن شاء الله تتعوض
أشكرك على مرورك و تعليقك

white seagull said...

رونى إنتى عندك حق بس ده بيحصل قليل قوى إنك ماتقدريش تتمالكى نفسك فى العياط و تتحدى إمتى هتعيطى بس صدقينى شعور مختلف لما تشوفى نفسك فعلا,مش بس تبقى حسة بيها..
المهم إنك رديتى مش مهم بقى الأول ولا الأخر :)

Amr Ahmed said...

حلوة النظرية

عاوزين معلومات عن الفيلم

تحياتي

دينا فهمي said...

معلش يا بنتي أعذري جهلي
هو الفيلم ده عبارة عن ايه؟ وشوفتيه فين؟

أنـــا حـــــــــرة said...

نورا


انا دايما لما بعيط فى الحمام بقف و ابص لنفسى فى المرايا و ابص فى عينى
و ساعات بطبطب على نفسى و أقولى معلش ما تزعليش اوى كده
و دايما لما بعيط فى اوضتى برضه بقف قدام المرايا
طبعا انا ما شوفتش الفيلم
و مكنتش اعرف الاجابة
بس اللى اعرفه انى كنت بعمل كده من نفسى

جميل اوى ان حاجه بتعمليها من غير سبب يطلع ليها مدلول حقيقى

white seagull said...

عمرو
و الله أنا نفسى بسألكوا على معلومات!!

white seagull said...

دينا,
الفيلم ده يا ستى أتعرض فى مهرجان المرأة اللى كان فى مركز الإبداع فى الأوبرا
و ده يا ستى فيلم روائى كان تقريبا 35 دقيقة و كان متناول قصة كذا فتاة و تجربتها فى الحياة و مدى حريتها..بس

white seagull said...

ياسمينا
أنا كمان بحب قوى لما أكتشف مدلولات لحاجات ممكن أعملها تلقائى ممكن أكون بحس بالعمق ساعتها و إنى صاحبة فلسفة حتى لو مش ببقى قصدة..lol :)

will said...

情趣用品,情趣,情色,成人,A片,自拍

情趣用品,情趣,色情,成人影片,色情影片,免費A片,A片

情趣用品,情趣,成人網站,A片下載,日本AV,做愛

情趣用品,情趣,美女交友,A片,辣妹視訊,情色視訊

情趣用品,情趣,色情聊天室,聊天室,AV,成人電影

情趣用品,情趣用品,情趣,情趣

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍