Sunday, March 25, 2007

just wondering!!


عمرك حسيت إنك مش فاهم أى حاجة حواليك؟


مثلا تبقى عامل بحث أى كلام و ناقص و أنت متأكد أنك عاملة زفت و تلاقى الدكتور بيقولك بحث جيد!! و فى نفس الوقت أنت بتثق فى الدكتور ده و إنه عندة زمة يعنى!!!! ماعرفش أنا أتقنت للدرجة دى نظام الفبركة؟


أو مثلا تبقى ماشى فى الشارع و عربيات الأمن المركزى محاوطاك من كل حتة و خمسة و خميسة على العساكر اللى فى موقف لا يحسد علية و طبعا وقفة مملة فقالوا يسلوا نفسهم فيعاكسوا الرايحة و الجاية مع إنهم يا سبحان الله.. أمن!!!!! لا لوم عليكم و إنما ع اللى موقفكوا الوقفة دى..


و لا إنك كدة فجأة تلاقى تليفون طابب عليك يقولك أنت مترشح تسافر أمريكا فى ورشة عمل و تروح السفارة و تقابلك واحدة بكل شياكة و لطافة و ترغى معاك و تعجبها دماغك و تقولك إنك ليك مستقبل كويس..بس للأسف أنت ماعندكش خبرة بالمسرح كفاية و سنك لسه صغير فقدامك فرص تانية لكن فى ناس تانية مترشحة عندها خبرة أكبر و فرصتهم أقل عشان سنهم كبير!!

يا سبحان الله طب عاملينها ليه من سن 19 لحد 30!!!! ما طبيعى جدا يبقى فى فرق خبرات.. no comment actually..


و لا مثلا تكلم واحد صاحبك و تبقى فاكر إنك ليك دور فى حياتة لكن تكتشف إنك و لا حاجة!! فى عز أزمتة ماتعرفش تخرجة من اللى هو فيه و تفشل و فى نفس الوقت حد تانى بكلمة بسيطة قوى ممكن يعمل المعجزات! ليه مش عارفة أكون صديقة كويسة؟



شدوا الستارة عليا أنا بدى أقفل عيونى

جايبنى تتسلوا بيا فى زمانكوا و تبهدلونى


أنا اللى مجنون لوحدى و لا أنتوا شقلبتوا عقلى

بتقولوا أهلا يا جدو

لا أنا جد و لا أنتوا أهلى


الدنيا ماعدتش هى ياريتنى ما جيت أزورها

دنيا سمك جوا ميه

كبيرها ياكل صغيرها


شدوا شدوا شدوا الستارة

(محمد منير)

29 comments:

أبو ضحى said...

لا أدعى إنى بفهم كل حاجة ، ولكنى لم أقابل مواقف قريبة من تلك التى تحكيها أو حتى بعيدة..أعتقد أن الاشياء التى تثير دهشتى قليلة جدا فى الدنيا دى أو ممكن أكون أنا السبب..مش عارف
و لكن لم يعد شئ يثير دهشتى إطلاقا من فترة ليست بالقليلة

white seagull said...

أبو ضحى,
أكيد ماحدش بيفهم كل حاجة, أنا خايفة أوصل لمرحلة إن مفيش حاجة تثير دهشتى دى لأنه أعتقد شعور مش لطيف خالص بس الله أعلم بقى!
مبسوطة بمتابعتك للبلوج عندى و ياريت تقولى قريب إن فى حاجة قدرت تثير دهشتك :)

حواء said...

نورا
وحشتينى يابنتى مفتقداك بجد
تعرفى أن كل اللى كتبتية بالحرف
حصلى بجد عادى بقى ماهى الحياة كلها مواقف متكررة ولاتندهشى ولا حاجة
وعايزة أقول لك أن الصاحب مش شرط يحل مشكلة صاحبة علشان نعتبر أن لة فايدة أو نطلق علية لقب صاحب بجد لاأنا بشوف
أنة كفايا شعورة تجاة أزمتى وتخفيفة عنى ولو بكلمة لأن لو بإيدوا حل أكيد ماكنش إتأخر عنى و بلاش ثقتة فى نفسة تتهز لأن الأمر خارج عن إرادتة وعلى فكرة الأغنية جميلة أول مرة أسمعها
سلام ياجميل

iten said...

nice blog we 3ady el 7agat di bet7sal ya benty bas akeed bykon lrabena 7ekma feeha we resala e7na mesh fahmnha,very very nice drawing :)

micheal said...

كلنا بتقابلنا حاله الدهشه و الاسغراب لكل ما حولنا لان فعلا بقي فيه حاجات كتيير تحير الواحد و حاجات كتيير اتخلطت ببعضها و لم تعد الرؤيه واضحه و لكن ادينا بنتعلم
تحياتي لكي

micheal said...

تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا 22 ش سوريا المهندسين..الدور ال8 ..عماره جريده الوسيط بالقرب من جامع مصطقي محمود..و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب

أبو ضحى said...

الرتابة و الملل هى اللى بتغطى على كل حاجة جديدة و تصبغها بلون داكن، و من هنا تصبح الحاجات اللى ممكن تثير الدهشة حاجات عادية

متغيرة شوية said...

ازيك يا نورا
وحشاني كتييييير

انا هقولك حاة ، مسألة عدم فهم العالنم من حواليك بقى تقريبا طابع لينا كل دلوقتي ، كل الناس اللي اعرفهم تقريبا عندهم نفس المشكلة ، وده جزء من حالة الاغتراب العامة اللي كلنا حاسين بيها.
لكن هقولك برضه تماسكي ومتزرجنيش ، يعني مش كل حاجة لازم تتهم علشان تتعاش. البحث اللي طلعه كويس ده قشطة ، صحبتك كونها مطلعتش من المود ده مش بسببك ومش بسبب ضع صداقتكم ، لكن بسبب كون المشكلة كبيرة ، أو كونها هي محتاجة وقت علشان تتغلب عليها لوحدها..
فرصة المسرح بقى أنا متأكدة ان هييجي أحسن منها ، علشان أنا عارفاكي وعارفة قد ايه انت بتحبي اللي بتعمليه وبتتقنيه ..متقلقيش..

خدي بالك من نسك ومتخليش حاجة تضايقك أبدا

Autumn In My Heart said...

Dear Nawar,
Life is so strange. If we understand it, we'll get bored quickly. Sometimes, I think of myself as a bad friend. Or worse, a bad person. For me, as long as I can't deliver my voice, then I'm weak. I don't deerve to live. I know I'm full of contradictions. But, aren't we all? I see darkness as well as light. Sometimes I feel sane, and most of the time I think I can't hold a memory in my mind. So, let go. This goes only for you.

david santos said...

Thanks for you work! Very good.
have a good day

sosa said...

السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
سارة الاسكافى

أنـــا حـــــــــرة said...

اتكلمنا فى كل فقرات الموضوع باستفاضه انا وانتى من زمان

بس داخله اقولك
على الله الغلطة دى تتكرر تانى
هعلقك فى الفلكة

أبو ضحى said...

نورا
أرجو أن أرى بوستات جديدة ..فكما يبدو من مدونتك أنك صاحبة فكر عالى و ثقافة راقية، فلا تحرمينا من قراءة المزيد مما ينتجه عقلك و احساسك
أمر على المدونة أكثر من مرة و لا أجد إلا هدا البوست القديم جدا

أرجو أن جديدا المرة القادمة

تحياتى

أنـــا حـــــــــرة said...

واحشانى اوى

white seagull said...

حواء
انتى كمان وحشانى قوى انتى اختفيتى ليه تانى؟! طمنينى عليكى
فكرتينى بجملة مرة حد عزيز عليا قالهالى على حياتنا "دورة حياة بغيضة تكرر نفسها" أحيانا بتبقى كدة فعلا بس بحاول أثبت العكس

white seagull said...

tona,
i believe en ay 7aga bte7salena bykoon rabena 2ased mn waraha 7aga 2olty el mofeed.
el rasma msh beta3ty 3shan ma7adesh yfham 3'alat bs heya 3agbany bardo :)
thnx 4 ur visit.

white seagull said...
This comment has been removed by the author.
white seagull said...

micheal,
أدينا بنتعلم..جملة فى الجون
شكرا على دعوتك و أسفة لعدم حضورى
إن شاء الله تتعوض

white seagull said...

أبو ضحى
و الله أحرجتنى,أسفة على تأخيرى فى الرد
ان شاء الله هبعت كلام بقالى فترة عايزة أقولة هتلاقية فى أقرب وقت
بجد أشكرك على ثقتك دى و متابعتك معايا

white seagull said...

أبو ضحى مش دايما الرتابة و الملل هما سبب عدم الأندهاش ممكن يكونوا عوامل أحيانا بس الدهشة تأتى بلا مقدمات لكسر الملل ده و إلا ماتبقاش دهشة المهم إحنا نسيبلها الباب موارب شوية

white seagull said...

سلمى الجميلة,
كلامك طبعا صح و موافقاكى تماما
انتى كمان خدى بالك من سلمى قوى,و ان شاء الله نفضل نشجع بعض على طول
love u.

white seagull said...

morena,
ofcourse we all have these contradictions!!
i know u as a friend and am telling u, u r not bad at all,meen el 3abeet ely 2alek keda!! tab3an nafsek el shreera asly 3arfaha kewis!! bas ew3y tesad2eeha,sad2y the other marwa..she is always the winner.
thanks 4 ur reply.love u.

white seagull said...

David,
thanks alot 4 passing, but tell me do u know arabic? i saw ur blog and found u r not egyptian!
thanks 4 ur sharing.

white seagull said...

sosa,
انا دخلت عندك بس ماعرفتش أوصل لحاجة للأسف قوليلى أعمل ايه بالضبط

white seagull said...

ياسمينتى
أسفة يافندم
love u so much.

sosa said...

شوفى ياجميل
انتى ممكن تدخلى البلوج بتاعى هتلاقى على يمينك من فوق كده لينكممكن تحملى منه الاستبيان وتجاوبيه وتبعتيهولى على الميل
ولو ماعرفتيش
ده ايميلى ضيفينى وانا تحت امرك
sosa_444@yahoo.com

حــلم said...

المسألة
احساس خاطىء
بوصلة متوجهة غلط
بس

اغنية منير دى مفاجأة جبتيها منين؟

أبو ضحى said...

انتى فين؟

will said...

情趣用品,情趣,情色,成人,A片,自拍

情趣用品,情趣,色情,成人影片,色情影片,免費A片,A片

情趣用品,情趣,成人網站,A片下載,日本AV,做愛

情趣用品,情趣,美女交友,A片,辣妹視訊,情色視訊

情趣用品,情趣,色情聊天室,聊天室,AV,成人電影

情趣用品,情趣用品,情趣,情趣

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍